ភ្នំពេញ៖ ថ្ងៃអង្គារ ៦ រោច ខែអាសាឍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញចុះពិនិត្យស្ថានីយបូមទឹកបឹងទំពុន ដែលកំពុងតែស្ថាបនាដំឡើងម៉ូទ័របូមទឹកបន្ថែម ការងារស្ដារប្រឡាយបឹងទំពុន និងការស្ដារផ្ទៃអាងស្ដុកទឹកបឹងទំពុនឱ្យកាន់ជ្រៅ និងចុះពិនិត្យការស្ថាបនាប្រឡាយបេតុងបឹងសាឡាង ៕
ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានមានប្រសាសន៍ថា÷ ថ្ងៃនេះសាកល្បងកម្លាំងដើរជាង១០គីឡូម៉ែត្រ បើប្រៀបធៀបកាលពីជាង៤០ឆ្នាំមុន វ័យពេញកម្លាំងប៉ុន្តែពុំមានអាហារគ្រប់គ្រាន់ មកដល់សម័យតេជោវ័យរាងចំណាស់បន្តិច ប៉ុន្តែមានអាហារគ្រប់គ្រាន់ អរគុណសន្តិភាព! អរគុណសម្ដេចតេជោ! ៕
