ឧត្តមសេនីយ៍ទោយោធាផ្កាយពីរ ហេង សារ៉ាន់ បានយកកាំភ្លើងខ្លីបាញ់សម្លាប់ខ្លួនឯង ស្លាប់ ដោយមូលហេតុមានជំងឺប្រចាំកាយ គឺ ក្រពះ ពោះវៀនរាំរៃ
ភ្នំពេញ ៖ ឧត្តមសេនីយ៍ទោ ហេង សារ៉ាន់ បានធ្វើអត្តឃាតដោយកាំភ្លើងខ្លីបាញ់សម្លាប់ខ្លួនឯងនៅជាប់នឹរបងមជ្ឈមណ្ឌលហ្វឹកហ្វឺនភូមិសាស្ត្រយោធា ផ្លូវហាយធិច ភូមិព្រះពន្លា សង្កាត់ព្រែកប្រា ខណ្ឌច្បារអំពៅ នៅថ្ងៃទី១៨ ខែឧសភា ឆ្នាំ២០២២ ។
សពរងគ្រោះឈ្មោះ ហេង សារ៉ាន់ មានឋាន្តរសក្តិជាឧត្តមសេនីយ៍ទោយោធាផ្កាយពីរ មានអាយុ៥០ ឆ្នាំ ជានាយកមជ្ឈមណ្ឌលហ្វឹកហ្វឺនភូមិសាស្ត្រយោធា និងមានទីកន្លែងកំណើតនៅភូមិ អំពៅព្រៃ ឃ៉ំ ចំបក់ ស្រុក ស្វាយជ្រុំ ខេត្ត ស្វាយរៀង និងទីលំនៅបច្ចុប្បន្នស្ថិតនៅផ្ទះលេខ១៣៩ ផ្លូវហាយធិច ភូមិព្រះពន្លា សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានចេញពីគ្រួសារសពបានឱ្យដឹងថា ការស្លាប់របស់ ឧត្តមសេនីយ៍ទោយោធាផ្កាយពីរ ហេង សារ៉ាន់ មូលហេតុបានបាញ់សម្លាប់ខ្លួនឯងដោយមានជំងឺប្រចាំកាយ គឺ ក្រពះ ពោះវៀនរាំរៃ។
យោងតាមប្រភពព័ត៌មានចេញពីលោកវេជ្ជបណ្ឌិត នង សុវណ្ណារ័ត្ន គ្រូពេទ្យកោសល្យវិច្ច័យអមសាលាដំបូងរាជធានីភ្នំពេញបានឱ្យដឹងថា លោក ហេង សារ៉ាន់ ពិតជាធ្វើអត្តឃាតដោយបាញ់សម្លាប់ខ្លួនឯងនឹងអាវុធខ្លីពិតប្រាកដមែន៕
