ក្រុមការងារព័ត៌មាន និង ប្រតិកម្មរហ័ស នៃ អធិការដ្ឋាននគរបាលក្រុងតាខ្មៅ សូមជម្រាបជូនបណ្តាសារធារណៈជន និង បណ្តាញសារព័ត៌មាន អំពីករណីប្រទះឃើញសាកសព អណ្តែតទឹក នៅចំណុចភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល នៅព្រឹកថ្ងៃទី២០ ខែវិច្ឆិកា ឆ្នាំ២០២៤ ។ ភិនភាគសាកសព ហើមមានក្លិន និងមានពាក់អាវយឺតដៃខ្លីពណ៍ប្រផេះ និង ខោជើងខ្លី ក្រោយទទួលបានព័ត៌មាន ផ្នែកជំនាញព្រហ្មទណ្ឌ នៃអធិការដ្ឋាននគរបាលក្រុងតាខ្មៅ សហការជាមួយ ផ្នែកជំនាញពិនិត្យវិភាគ និង កោសលវិច្ច័យ នៃស្នងការដ្ឋាននគរបាលខេត្តកណ្តាល ចុះមកពិនិត្យស្លាកស្នាមភិនភាគ ។
គួរបញ្ជាក់ផងដែរថា កាលពីយប់ថ្ងៃទី១៨ ខែវិច្ឆិកា ឆ្នាំ២០២៤ មានក្រុមគ្រួសារមកជនរងគ្រោះរាយការណ៍ជូន ប៉ុស្តិ៍នគរបាលរដ្ឋបាលតាខ្មៅ អំពីករណីបាត់សមាជិកគ្រួសារ ១នាក់ឈ្មោះ នុប តុលា ភេទប្រុស អាយុ២៩ឆ្នាំ មានទីលំនៅភូមិត្រពាំងរំចេក សង្កាត់ចោមចៅ ខណ្ឌពោធ៍សែនជ័យ រាជធានីភ្នំេពេញ បាត់ចេញមកជាមួយ ម៉ូតូSUZUKI Let’s ពណ៍ខៀវ ពាក់ផ្លាកលេខភ្នំពេញ 1BX-6241 ភិនភាគ ពាក់អាវយឺតពណ៍ប្រផេះ ខោជើងខ្លី ។ នៅព្រឹកថ្ងៃទី២០ ខែវិច្ឆិកា ឆ្នាំ២០២៤ មានការប្រទះឃើញសាកសព អណ្តែកទឹក ក្បែរគុំត្រែង នៅចំណុចភូមិកណ្តាលកោះ សង្កាត់កោះអន្លង់ចិន ក្រុងតាខ្មៅ ខេត្តកណ្តាល ដែរមានភិនភាគដូច ហើមស្អុយ និងមានពាក់អាវយឺតពណ៍ប្រផេះ មានអក្សរអង់គ្លេសNIKE ដោយបញ្ហាភិនភាគទៅ ឱពុកម្តាយបងប្អូនសាច់ញាត្តិ លោកបញ្ជាក់ថាពិតជា សពឈ្មោះ នុប តុលា ភេទប្រុស អាយុ២៩ឆ្នាំ មានទីលំនៅភូមិត្រពាំងរំចេក សង្កាត់ចោមចៅ ខណ្ឌពោធ៍សែនជ័យ រាជធានីភ្នំេពេញ(ជាអតីត កីឡាករបាល់ទាត់ជម្រើសជាតិ កម្ពុជា) ។
ក្រោយពិនិត្យវិភាគនិងកោសល្យវិច័យ ទៅលើសាកសពរួច ក៏បានប្រគល់សាកសពជូនក្រុមគ្រួសារសពធ្វើបុណ្យទៅតាមប្រពៃណី ។
