នាព្រឹកថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូអញ្ជើញបំពេញទស្សនកិច្ចនៅវិទ្យាស្ថានពហុបច្ចេកទេសណានយ៉ាង (Nanyang Polytechnic) ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។
វិទ្យាស្ថានពហុបច្ចេកទេសណានយ៉ាង អនុវត្តតាមគោលការណ៍សំខាន់ចំនួន ៣៖ (ទី១) ការបណ្តុះបណ្តាលជំនាញដល់សិក្ខាកាម ដើម្បីឆ្លើយតបទៅនឹងតម្រូវការជាក់ស្តែងរបស់ឧស្សាហកម្ម និងសហគ្រាស-Industry Focus, (ទី២) ការសិក្សា ជាមួយនឹងការអនុវត្តជាក់ស្តែង ដែលការបណ្តុះបណ្តាលលើសមត្ថភាព និងជំនាញ ឈរលើមូលដ្ឋាននៃការរៀនបណ្តើរ និងការអនុវត្តជាក់ស្តែងបណ្តើរ និង (ទី៣) ការពង្រឹងយន្តការនៃការរៀនសូត្រពេញមួយជីវិត(Life-long learning) ដើម្បីឆ្លើយតបទៅនឹងទីផ្សារការងារប្រកបដោយភាពបត់បែន និងតាមតម្រូវការជាក់ស្តែង ព្រមទាំងពង្រឹងសមត្ថភាពបន្ថែមតាមរយៈការរៀបចំជំនាញឡើងវិញ (Reskilling) និងការបង្កើនជំនាញ (Upskilling)។
ចំណុចពិសេសនៃភាពជោគជ័យរបស់វិទ្យាស្ថានពហុបច្ចេកទេសណានយ៉ាង គឺការផ្តោតលើកិច្ចសហប្រតិបត្តិការ និងភាពជាដៃគូ ដ៏ជិតស្និទ្ធរវាងឧស្សាហកម្មក្នុងវិស័យនានានៃសេដ្ឋកិច្ចជាតិ និងវិទ្យាស្ថានបណ្តុះបណ្តាលបច្ចេកទេស តាមរយ:កិច្ចសហការក្នុងស្មារតីយោគយល់ នីងទទួលខុសត្រូវខ្ពស់ ទាំងក្នុងការរៀបចំកម្មវិធីសិក្សា ការសិក្សាអនុវត្តជាក់ស្តែង និង ទាំងការចំណាយថវិការួមគ្នាលើកម្មវិធីសិក្សា ជាដើម ៕
![](https://www.hrnewstv.com/wp-content/uploads/2024/06/FB_IMG_1718789738893-682x1024.jpg)
![](https://www.hrnewstv.com/wp-content/uploads/2024/06/FB_IMG_1718789758286-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789760740.jpg)
![](https://www.hrnewstv.com/wp-content/uploads/2024/06/FB_IMG_1718789767054-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789773183-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789780868-1024x661.jpg)
![](https://www.hrnewstv.com/wp-content/uploads/2024/06/FB_IMG_1718789790160-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789803215-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789808076-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789815944-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789821822-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789828893-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789835536-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789856447-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789863899-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789868107-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789873333-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789875391-1024x683.jpg)
![](https://www.hrnewstv.com/wp-content/uploads/2024/06/FB_IMG_1718789882219-1024x683.jpg)