ភ្នំពេញ ៖ នាព្រឹកថ្ងៃអង្គារ ១១កើត ខែចេត្រ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១២ ខែមេសា ឆ្នាំ២០២២នេះ ឯកឧត្ដម ហ៊ុន ម៉ានី ប្រធាន គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃគណៈកម្មការទី៧ នៃរដ្ឋសភាជាតិ នឹងរដ្ឋបាលរាជធានីភ្នំពេញ បានរៀបចំពិធីសំណេះសំណាលសួរសុខទុក្ខដល់បងប្អូនប្រជាការពារខណ្ឌទាំង១៤ ព្រមទាំងបានយកអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំនួន ៧៣៤នាក់ ក្នុងម្នាក់ៗទទួលបាន ថវិកា៨០.០០០រៀល អង្ករ ២៥គីឡូក្រាម មី ០១កេសតូច ត្រីខ ០១យួរ ទឹកសុីអុីវ ០១យួរ និងប្រេងឆា០១ដប ៕
