អបអរសាទរខួបលើកទី៦ នៃការដាក់តំបន់ប្រាសាទសំបូរព្រៃគុកក្នុងបញ្ជីបេតិកភណ្ឌពិភពលោក ៨ កក្កដា ២០១៧- ៨ កក្កដា ២០២៣
ក្រោមការជ្រោមជ្រែងរបស់រាជរដ្ឋាភិបាល និងជាពិសេសការខិតខំប្រឹងប្រែងយ៉ាងសកម្មលើកិច្ចការថែរក្សា ការពារ អភិរក្ស សម្បត្តិវប្បធម៌ខ្មែរ របស់ថ្នាក់ដឹកនាំក្រសួងវប្បធម៌ និងវិចិត្រសិល្បៈ រួមជាមួយមន្ត្រីជំនាញ និងស្ថាប័នពាក់ព័ន្ធនានា តំបន់ប្រាសាទសំបូរព្រៃគុក បានក្លាយជាតំបន់ប្រវតិ្តសាស្រ្តទី៣ របស់កម្ពុជា ដែលត្រូវបានចុះនៅក្នុងបញ្ជីបេតិកភណ្ឌពិភពលោក បន្ទាប់ពីប្រាសាទអង្គវត្តដែលបានចុះក្នុងបញ្ជី នៅឆ្នាំ១៩៩២ និងប្រាសាទព្រះវិហារ នៅឆ្នាំ២០០៨។
គួររំលឹកដែរថា ការសម្រេចដាក់បញ្ចូលប្រាសាទសំបូរព្រៃគុកក្នុងបញ្ជីបេតិកភណ្ឌពិភពលោក ធ្វើឡើងក្នុងកិច្ចប្រជុំកំពូលលើកទី៤១ នៃគណៈកម្មាធិការបេតិកភណ្ឌពិភពលោក ដែលរៀបចំឡើងចាប់ពីថ្ងៃទី ២ ដល់ថ្ងៃទី១២ ខែកក្កដា ដែលមាន ១៩៣ ប្រទេសជាសមាជិក និង ២១ ប្រទេសជាគណៈកម្មាធិការអចិន្ត្រៃយ៍។
