ឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធហត្ថរាជធានីភ្នំពេញ ពិតជាមោទកភាពណាស់ ដែលបានឃើញ អតីតកីឡាករ U13 ដែល ឧត្តមសេនីយ៍ឯក ធ្លាប់បានបណ្តុះឡើងមក ក្លាយជាកីឡាករជម្រើសជាតិក្នុងថ្ងៃនេះ។
ឧត្តមសេនីយ៍ឯក រ័ត្ន ស៊្រាង បានមានប្រសាសន៍បន្ថែម ជូ ស៊ិនទិ និង សឿត ណាវ៉ា ធ្លាប់ជា អតីត កីឡាករ U13 របស់ក្លឹបអធិរាជភ្នំស្វាយ ខេត្តបន្ទាយមានជ័យ ជាក្លឹបដែលខ្ញុំបាន បង្កើតនិងទំនុកបម្រុងដោយផ្ទាល់ កាលពីជាង១០ឆ្នាំមុន កាលនោះខ្ញុំនៅជាមេបញ្ជាការ កងរាជអាវុធហត្ថ ខេត្តបន្ទាយមានជ័យ។
ឧត្តមសេនីយ៍ឯក រ័ត្ន ស៊្រាង ការជួបថ្ងៃនេះ ធ្វើឲ្យឧត្តមសេនីយ៍ឯក នឹកដល់អនុស្សាវរីយ៍ជាច្រើន កាលនៅបម្រើការងារនាខេត្តបន្ទាយមានជ័យផងដែរ។
ឧត្តមសេនីយ៍ឯក រ័ត្ន ស៊្រាង ក្រៅពីពួកគាត់ទាំងពីរនាក់នេះ ក៏នៅមានកីឡាករជាច្រើនរូបទៀត ដែលបាន បដិសន្ធិចេញពី អតីត U13 របស់ក្លឹបអធិរាជភ្នំស្វាយ ហើយត្រូវបានជ្រើសរើសឲ្យចូលហ្វឹកហាត់នៅមជ្ឈមណ្ឌល និងសាលាបាល់ទាត់ជាតិបាទី រហូតអភិវឌ្ឍន៍ខ្លួនក្លាយជាកីឡាករជម្រើសជាតិនិងលេងឲ្យក្លឹបល្បីៗថ្នាក់ជាតិជាច្រើន ដូចជា៖ កីឡាករ រី លាភផេង, កីឡាករ គឹម អាន, កីឡាករ ជួង មករា, កីឡាករ ស្រួច ជីវ័ន្ត, កីឡាករ ឱ ភារុណ, កីឡាករ ពៅ ចាន់ថេត, កីឡាករ គង់ ភីឡុត, កីឡាករ សៀង ណាំឈីវ, កីឡាករ ស្វែង សំណាង, កីឡាករ ចាន់ ហួង កីឡាករ ដោ រ៉ូហ្សាន់, កីឡាករ សុវណ្ណ ដូណា …។ល។
ល។
