នៅវេលាម៉ោង១២នឹង២០យប់ ឈានចូលថ្ងៃសៅរ៍ ទី០៤ ខែឧសភា ឆ្នាំ២០២៤ នេះ មានករណីចរាចរណ៍រវាង រថយន្តស៊េរីទំនើបមួយគ្រឿងម៉ាក FORD RANGER WILDTRAK ដែលមានបំពាក់ស្លាកលេខ ខម2-0315 បើកក្នុងល្បឿនលឿន ប៉ះគ្នានិងរថយន្ត PRLUS ពណ៌ស ដែលមានស្លាកលេខ ភ្នំពេញ 2C-0145 ក៏បានបត់ត្រូវរថយន្តមួយគ្រឿងទៀតបុកពេញទំហឹងបណ្តាលឲ្យរថយន្ត PRLUS ខូចខាតមួយចំហៀង បង្ករឲ្យភាគីខាងម្ចាស់រថយន្ដ PRLUS រងរបួសធ្ងន់ម្នាក់។
ចំណែកឯរថយន្ត FORD RANGER WILDTRAK បានរងការខូចខាតផ្នែកខាងមុខ នៅតាមបណ្តោយផ្លូវជាតិលេខ៣ កែងនឹងសន្តិភាព២ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។
ក្រោយពីកើតហេតុហើយ មន្រ្តីជំនាញចរាចរណ៍ក្រុង ក៏បានចូលមកដល់កន្លែងកើតហេតុ ដើម្បីធ្វើការវាស់វែង និងយកទៅរក្សាទុករងចាំដោះស្រាយគ្នានៅពេលក្រោយ។
