សាហាវណាស់_លោកអេីយ! ស្គាល់អត្តសញ្ញាណ សពយុវជនម្នាក់ ដែលត្រូវក្រុមជនសង្ស័យ សម្លាប់ហើយដុត នៅសង្កាត់ផ្សារកណ្តាល ក្រុងប៉ោយប៉ែតហើយ

ខេត្តបន្ទាយមានជ័យ ៖ យុវជនម្នាក់ ដែលត្រូវជនសង្ស័យ វាយសម្លាប់ ហើយយកសពទៅដុត ដើម្បីបំបាត់ដាន នៅក្នុងរណ្តៅចាក់សម្រាមនៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត នោះត្រូវបានគេស្គាល់អត្តសញ្ញាណហើយ គឺជាបុគ្គលិកគិតលុយនៅម៉ាត ឈ្មោះ ហុក ដុល្លា អាយុ១៦ឆ្នាំ។

សូមបញ្ជាក់ផងដែរថា ៖ កាលពីរសៀលថ្ងៃទី៣០ ខែមីនា ឆ្នាំ២០២៤ អនុភូមិអណ្តូងថ្មមាស បានរាយការណ៍ថា មានក្មេងឃ្វាលគោប្រទះឃើញសាកសពម្នាក់មិនស្គាល់អត្តសញ្ញាណ ឆេះខ្លោចនៅក្នុងរណ្តៅចាក់សំរាម ដៃជាប់ចំណងក្រណាត់អាវព័ទ្ធទៅក្រោយ នៅចំណុចខាងជើងគណបក្សក្រុងប៉ោយប៉ែត ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល៕P27