ប្រេងសាំងឡើងថ្លៃម្ចាស់ដេប៉ូប្រេងឥន្ធនៈចំនួន ៦ទីតាំង ឈ្លៀតឪកាសចាក់ប្រេងឱ្យអតិថិជនមិនគ្រប់លីត្រ

នៅថ្ងៃទី២៤ ខែមីនា ឆ្នាំ២០២២ មន្រ្តីជំនាញ ក.ប.ប សាខាខេត្តព្រៃវែង សាខាខេត្តកំពង់ស្ពឺ សាខាខេត្តបន្ទាយមានជ័យ បានបន្តចុះត្រួតពិនិត្យតាមស្ថានីយ/ដេប៉ូប្រេងឥន្ធនៈ ចំនួន ១៦ទីតាំង។

មន្រ្តីជំនាញ ក.ប.ប ខាងលើ បានចុះត្រួតពិនិត្យ ស្ថានីយ/ដេប៉ូប្រេងឥន្ធនៈ ចំនួន ១៦ទីតាំង មានដូចខាងក្រោម ៖
១. ស្រុក ស្វាយអន្ទរ និងស្រុក កញ្រ្ជៀត ខេត្តព្រៃវែង
២. ស្រុក ភ្នំស្រួច ខេត្តកំពង់ស្ពឺ
៣. ក្រុង សិរីសោភ័ណ្ឌ និងស្រុក ស្វាយចេក ខេត្ត បន្ទាយមានជ័យ ។

តាមការបញ្ជាក់ របស់ មន្រ្តីជំនាញ ក.ប.ប ខាងលើ ក្នុងចំណោមស្ថានីយ/ដេប៉ូប្រេងឥន្ធនៈ ចំនួន ១៦ទីតាំង គឺរកឃើញ ៦ទីតាំង មិនមានភាពអនុលោម គឺចាក់ប្រេងឱ្យអតិថិជនមិនគ្រប់លីត្រ។

មន្រ្តីជំនាញ ក.ប.ប ខាងលើ ធ្វើការពិន័យអន្តរការណ៍តាមនីតិវិធី រួចហេីយធ្វេីកិច្ចសន្យាកែតំរូវចំពោះម្ចាស់ដេប៉ូប្រេងឥន្ធនចំនួន ៦ទីតាំង ដែលមិនមានភាពអនុលោម៕